អំពី Go Digital ASEAN
ក្រោមកិច្ចសហការជាមួយរដ្ឋាភិបាល ដៃគូក្នុងស្រុក និងអ្នកស្ម័គ្រចិត្តទូទាំងតំបន់ គម្រោង Go Digital ASEAN ផ្តល់ការបណ្តុះបណ្តាលជំនាញឌីជីថលដល់ម្ចាស់អាជីវកម្មខ្នាតតូច និងនិយោជិក លើកកម្ពស់ពួកគេអោយចូលរួម និងបង្កើនឱកាសនៅក្នុងសម័យសេដ្ឋកិច្ចឌីជីថល។ ដៃគូអនុវត្តគម្រោងក្នុងស្រុកមានបទពិសោធន៍យ៉ាងច្រើនក្នុងការធ្វើការជាមួយសហគមន៍ជនបទ និង ក្រុមដែលងាយរងគ្រោះ រួមទាំង អ្នកជំនាញក្នុងវិស័យ និងឧស្សាហកម្មក្រៅប្រព័ន្ធរួមមាន វិស័យកសិកម្ម និងទេសចរណ៍។
គម្រោងបានចាប់ផ្តើមដំណាក់កាលទី១ក្នុងឆ្នាំ ២០២០ ដែលបានផ្តល់វគ្គបណ្តុះបណ្តាលដល់ម្ចាស់អាជីវកម្មខ្នាតតូច និងមធ្យម (MSMEs) រួមទាំង និយោជិកប្រមាណ ២២៥,០០០ នាក់មកពីសហគមន៍រងគ្រោះ នៅក្នុងតំបន់អាស៊ាន ដោយផ្តោតសំខាន់លើស្រ្តី។ គម្រោងដំណាក់កាលទី២ នឹងពង្រីកវិសាលភាពរបស់ខ្លួន ដោយផ្តល់វគ្គបណ្តុះបណ្តាលកម្រិតខ្ពស់ និងស្របតាមគោលបំណងដល់សហគ្រាសធុនតូច មធ្យម និងនិយោជិករហូតដល់ 200,000 នាក់នៅក្នុងតំបន់លើចំណេះដឹងផ្នែកធុរកិច្ច ហិរញ្ញវត្ថុ ទីផ្សារឌីជីថល សុវត្ថិភាពលើប្រព័ន្ធអិនធឺណេត និងការកាត់បន្ថយឧស្ម័នកាបូនឌីអុកស៊ីត។
ផ្តល់វគ្គបំពាក់បំប៉នដល់អាជីវករខ្នាតតូច និងមធ្យមចំនួន ១៣៥,០០០នាក់លើកម្រិតមូលដ្ឋានជំនាញឌីជីថល
ផ្តល់វគ្គបំពាក់បំប៉នដល់អាជីវករខ្នាតតូច និងមធ្យមចំនួន ៣០,០០០ នាក់លើជំនាញឌីជីថលកម្រិតខ្ពស់
ភ្ជាប់ទំនាក់ទំនងរវាងអាជីវករខ្នាតតូច និងមធ្យមចំនួន ៣៥,០០០ នាក់ ជាមួយដៃគូក្នុងតំបន់
លោកស្រី សុីលីហ្វូន ជាម្ចាស់ហាងចាប់ហួយតូចមួយនៅទីក្រុងវៀងចន្ទ ប្រទេសឡាវ។ ក្រោមវិធានការរិតបន្តឹង និងការបិទខ្ទប់ដើម្បីទប់ស្កាត់វីរុស COVID-19 ការលក់របស់គាត់បានធ្លាក់ចុះយ៉ាងខ្លាំង។ អតិថិជនបានទូរស័ព្ទទៅគាត់ផ្ទាល់ដើម្បីសួររកជម្រើសដឹកជញ្ជូន ប៉ុន្តែ លោកស្រី សុីលីហ្វូន មិនដឹងពីរបៀបប្រើប្រាស់សេវាកម្មដឹកជញ្ជូនឡើយ។
តាមរយៈការចូលរួមវគ្គបណ្តុះបណ្តាលលើចំណេះដឹងផែនទីឌីជីថលរបស់គម្រោង Go Digital ASEAN លោកស្រីបានរៀនពីរបៀបរៀបចំសេវាកម្មដឹកជញ្ជូនសម្រាប់ហាង ហើយថែមទាំងបង្កើតគណនីបណ្តាញសង្គមមួយដែលអាចផ្សព្វផ្សាយទៅដល់អតិថិជនកាន់តែច្រើន។
គម្រោង Go Digital ASEAN ជាគំនិតផ្តួចផ្តើមមួយនៅក្រោម Future Skills Alliance ដែលជាសម្ព័ន្ធនៃអង្គការដៃគូពីវិស័យសាធារណៈ និងវិស័យឯកជនដែលធើ្វការរួមគ្នាដើម្បីផ្តល់ជំនាញនាពេលអនាគតយ៉ាងទូលំទូលាយដល់តំបន់ដែលខ្វះខាតបំផុត។
